::::: Alirza Aqazadə

Qara Dünya

Qaranlıq zamandır.

Dumanlar tutub gördüyümüzü...

Düzlük duman içrə itib!

Gərçəkliyi yalanlarla büründürüblər.

Adamlıq itib,

Insanlıq batıb,

Həqiqət sınıb.

Düzlüyü,

Kömürlə qaralayıblar.

Gərçəkliyi də...!

::::: Uzağa Düşmə

Məndən uzağa düşmə.

Orada sənə bir baxan yox

Sənin yurdun buradır,

Bura...

Mənim ürəyim.

Buradan çıxsan,

Sanki qurbətdəsən.

Qurbətdə yaşamağa,

Sən yaranmayıbsan.

Sənin yurdun buradır,

Bura...

Mənim ürəyim.

Ayaq qoy öz vətəninə

Unutmaz səni vətən

Unudsanda əgər sən.

Uzağa düşmə məndən

Iraq olsun səndən uzaqlıq

Ürəyim səndən ötəri çırpınır

Uzağa düşmə.

----- ------- -----

Alirza Aqazadə

++++++++++