Özgür gözəlin monoloqu
Men sevgi dolu bir ulu varlıq, ulu quvvət
Ruhumda barınmış da gözəllik və məhəbbət
----- ------- -----
Özgürlüyü, özgünlüyü həp sevgidə buldum
Eşqin ulu yurdunda yanar meşələr oldum
----- ------- -----
Sevda dənizi deprəm edər çağlar içimdə
Eşqin ulu heyrətlərini saxlar içimdə
----- ------- -----
Sevda və gözəllik eləyir məndə təcəlli
Zülfümdə qaranlıq gecənin gizləri bəlli
----- ------- -----
Məndən ötəri dağları dəlmiş ulu bir ər
Məcnunluğa yüksəlmiş olan Qeys də, səslər
----- ------- -----
Səslər, məni səslər, məni həp ərmiş ərənlər
Sevda və gözəlliklərə həp səcdə edənlər
----- ------- -----
Eşqilə dolup, sevgi ilə daşdı vucudum
İdrak deyilən çərçivəni aşdı vucudum
----- ------- -----
Sırlardı vucudumda yığılmış da parıldar
Mən bir günəşəm türlü vucudlarda izim var
----- ------- -----
Ey büt sənə heyrət edirəm dərdi Fuzuli
Məndən ötərək, Tanrısını gördü Fuzuli
----- ------- -----
Düşsən, öz içində boğulub məhv olarkən
El at ətəyimdən yapış ey mutsuz adam sən
----- ------- -----
Hər türlü sənət tapdı mənə səcdə edərkən
İlham və sənət qaynağının heykəliyəm mən
----- ------- -----
Sən nəfsini dəf et, mənə tək nəfsilə baxma
En ruhuna dal, nəfsini özgürcə buraxma
----- ------- -----
Mən nəfs üçün yem dəyiləm, haydi kənar ol
Ya gəl də mənim qəlbimə gir, qəlbimə, var ol
----- ------- -----
Var ol əbədiyyən də bu qəlbim sənin olsun
Ərmiş kişilik, mərd ürəyin də mənim olsun
----- ------- -----
Mən qəlbə axan sırlıca bir şərqiyə dönnəm
Girrəm də ürəklərdə, könüllərdə döyünnəm
----- ------- -----
Zülmətlərə dalğın, əzilən ruha girərkən
O, ruhu həyat zevqi ilə dolduraram mən
----- ------- -----
Ey göydə süzən nurlu günəş gəz bu səmanı
Mən ruhları aydınladıram, sən də cahanı
----- ------- -----
Mən eşqə tapındım da dərinliklərə vardım
Surətdə və mənidə göründüm də ucaldım
----- ------- -----
Gəl, gəl mənə yar ol mənə ey sevgili dildar
Gəl ləblərimin şəhdini nuş eyləgil ey yar
----- ------- -----
Nəbzimdə vuran sevgidir ancaq və məhəbbət
Hər zərrəm olub zevq, səfa, eşq, sədaqət
----- ------- -----
Gəl birgə yanaq eşq oduna rəqs eləyək biz
Sevda dışı dünyaları həp dəf eləyək biz
----- ------- -----
Ey sonsuz üfüqlər sizə də lütf qılıb mən
Aşiq baxışımla sizi şad eylərəm hərdən
----- ------- -----
Güntay Cavanşir
++++++++++
| 
Qonaq Şairlər 
