::::: Seyid Heydər Bəyat

Alma Yolu

Əllərim almada,

Gözlərim səndə,

Dərmişdim.

Almanın sonunadək,

Mənimlə qalmadın.

Uşaqlıq qulaqlarımız

Hər birisi bir ağızdan

Nağıl almışımış.

----- ------- -----

Qaranlıq Gündüz

Küsmə

Sənsiz sevgi,

Sənsizlərə yarar.

Yaralanan qoluma,

Sən yaylıq bağlamasan,

Yoxsa sağalar?

Küsmə

Getmə

Bir belə adını dillərə salmışam

Susmağı xoşlayan gecə şahları

Məni öldürərlər

Uca alnının günəşi saçmasa

Bu qaranlıq gündüzə...

----- ------- -----

Və Bu Mahnı...

Əski bir mahnı,

Dodaqlarımı tərpədir.

Bədənimi titrədir.

Görəsən hansı aşiq,

Haray çəkərək,

Hansı dağın başında,

Haçan,

Bu mahnını söyləyib,

Hansı sevgiliyə?

Nə fərq edər

Indi mənəm>

Ayrılıq gecəsi

Və

Bu mahnı...

----- ------- -----

Dağıt...

Saçlarını hörməmişdən,

Asmağımdan ötrü,

Tüklərini bir yolda dağıt

Sinənin üstünə

Duyğularımı sərim.

----- ------- -----

Seyid Heydər Bəyat

++++++++++