::::: İsmayıl Cəmili

Azərbaycan Adına

Biz fəda eyləmişik canları canan adına

Almışıq var nə qədər dərdu bəla can adına.

Ərse-i aləm ara zarrədə də yox gözümüz

Yaramaz talib olaq mənzilə mehman adına.

Qılsada eşq məni yar qapısında qara qul

Can evimdə yaşadır könlümü sultan adına.

Sanma rönəqdə dəyil bağlanıb eşqin kitabı

Min züleyxa yaşayır yusif-i kənan adına.

Açsa şirin yuxusundan yenə fərhad gözün

Yaracaqdır başını xusrov-i xuban adına.

Nə rəva qılsa fələk könlümə, üsyan eləməz

Bircə yox tabı yenə qan ola hicran adına.

Mey verən saqi əgər yarın ola, yum gözünü

Zəhr-i nab olsada iç, dərdinə dərman adına.

Qoyma qurbətdə sola hüsn-i cəmilin gözəlim

Sil tozun ayrılığın Azərbaycan adına.

----- ------- -----

İsmayıl Cəmili

++++++++++