::::: İsmayıl Cəmili

Hələ...

İllər boyu gözlədiyim

Gözəl-gözlüm gəlməz hələ

Baxışların özlədiyim

Həsrətimi bilməz hələ.

Yar yolunu bağladı çən

Yoxa çıxdı gəlib-gedən

Öz əlim də gözlərimdən

Axan yaşı silməz hələ.

Yollarında qaldı gözüm,

Öz içimdə yandım özüm

Nə can qaldı nə də dözüm

Gülər-üzüm gülməz hələ.

Yox gileyim ötən dəmdə

Boğulsada könül qəmdə

Yüz yol ölüb dirilsəmdə

Məhəbbətim ölməz hələ.

Aşiq Cəmil gözlür tayın

Vurğunudur ayın-şayın

Arzu dolu ömür payın

Özgəsiylə bölməz hələ.

----- ------- -----

İsmayıl Cəmili

++++++++++