::::: İsmayil Cəmili

İgid Qala

Yaşıllığın gucağında

Zirvədə bir qartal yatıb

Ağ qanadlı pərilər tək

Dörd bir yanın bulud alıb.

Daş qayalar omuz verib

Göylərə yüksəlib qala

Qalıbdır ki igidliyin

Silinməyib adı qala.

Varlığının sağlığına

Şəfəq sönür qızıl camın

Gecə saysız ulduzilə

Süslür elin qoca damın.

Çən çəvrəsin bürüyəndə

Ulu başın alır duman

Göy qurşağı boyun əyir

Inməsədə zalim zaman.

 Sal qayalar pıçıldayır.

Əsirlərin həmasəsin

Cingildədir duyanlara

Ellərimin varam səsin.

Sarsılmayan el gücüdür

Yüz illərlə meydan oxur

Babək adlı dayanışdır

Dost güvənir düşmən qorxur.

----- ------- -----

İsmayil Cəmili

++++++++++