::::: İsmail Cəmili

Sevgililər günü

Sevgililər günündəyəm

Sevgilimdən uzaqlarda

Ayrılığın əlindəyəm

Sevinclərim duzaqlarda

Nə sən varsan nədə anam

Nə gül vardır nədə çiçək

Yollar uzun, ömür qıssa

Ayrılığa dözmür ürək

Burda əsmir pəncərəmdən

Savalanın ilıq yeli

Burda almır dərdi, qəmi

Gözlərinin sevgi seli

Xatirələr dəftəridir

Dolandığın yerlə mənsiz

Ayrılığın qəzəlidir

Sənsiz, mənsiz qalan Təbriz

Vaxtsız xəzan əsdi bizə

Görüş yeri talan oldu

İstəyimiz yad ellərdə

Tutsaq oldu qalan oldu

Sevgililər ayrı düşdü

Visal çağın hicran Aldı

İlk bahara umudlanan

Bağ baxçanı xəzan aldı

Arzı dolu ürəyimiz

Oldu yenə qəm çanağı

Toy gözləyən anamızın

Gülməz oldu gül dodağı

Sevənləri ayrı salan

Yaramaza qarqış olsun

Ayrılığa baş əyməyən

sevənlərə alqış olsun

----- ------- -----

İsmail Cəmili

++++++++++