::::: Sarı Gəlin ( Pəri )

Bir Damla

Sənsiz ötən hər axşamda,

lal gecənin inləməsi.

bir də könlümü saran,

səndən,

səni yazmaq həvəsi.

özləmimə

ovuntudur sanki.

Yazmaq istəyirəm səni

eyyy əsmər baxışlım,

həzin türküm,

şeir dadında sevgili!

***

Çırpınır gövərçin ürək,

xəyalini özləməkdən yorqun!

Kəlimələr kövrək

yoxluğuna küsgün!

Doludu ürəyi qələmin,

sənsizliyə qırqın, darqın!

Titrəyir kölgəsi təkliyin

soyuq alovunda şamın!

Dəli külək əsməkdə

sürgün-sürgün...

Pəncərənin quru boğazı,

yağışı içir yudum-yudum...

Gök-üzü yalnız, işıqsız

nə bir damla ay!

nə bir ovuc ulduz!

Göynədir qəlbimi,

qırmızı,isti bir acı

həsrət qoxulu,

hicran dadında!

Dinlədiyim hər mahnı

hüzün məqamında!

***

Birazdan gün doğar

bitər sənsiz, amma

sənlə dolu bir gecəm daha!

Boylanar odaya səhər yeli,

pəncərədən usluca.

oxşayan barmaqları saçımda,

uyutmağa çalışar,

gözləyən gözlərimi astaca.

***

Sevgilim!

duy, anla...

sənsiz açılan hər sabahda,

olacaq dilimdə adın,

gözlərimdə bir damla!...

----- ---- -----

Pərı (Sarı Gəlin)

14 October 2006

++++++++++