::::Laylalar

Laylay dedim yatasan,

Qızıl gülə batasan

Gül yastığın içində

Şirin yuxu tapasan

Laylay gözüm ağlama,

Ürəyimi dağlama.

Yat yuxun şirin olsun,

Yuxuma daş bağlama.

Laylay dedim həmişə,

Karvan gedər enişə.

Yastığında gül bitsin,

Döşəyində bənövşə.

Laylaya gəlin bala

Yuxusu dərin bala

Tanrıdan əhdim budur,

Toyunu görüm bala.

Laylay dedim gündə mən

Kölgədəsən, gündə mən.

İldə bir qurban olar,

Sənə qurban gündə mən.

Laylay əməyim bala,

Duzum, çörəyim bala.

Gözlərəm böyüyəsən,

Görüm köməyin bala.

Üzeyir Hacıbəyov

+++++++++

::::Vətən

Başdan başa bu vətən

Bizimkidir uşaqlar

Vətənsizi həmişə

Yoldan ötən ayaqlar

Bulaqları, çayları

Qanımızdır, qanımız

Dənizləri, çölləri

Ürəyimiz, canımız

Düşmən hücum gətirsə

Dağlarına dayannıq

Bir acı zəhər olub

Xorəyinə calannıq

Həyat boyu vətənsiz

Olmasın bir anımız

Onu əziz sanmağa

Hökm edir vicdanımız

Süleyman Salis

+++++++++

::::Ana Vətən

Doğma anamsan mənim

Ey mehriban vətənim

Eşqində gərək yanam

Sənsən mehriban anam.

Məni bəsləyən də sən

Məni səsləyən də sən.

Doğma anamsan mənim

Ey mehriban vətənim

Torpağından güc aldım

Şöhrətinlə ucaldım

Səndədir şan-şöhrətim

Ey ülvi məhəbbətim

Doğma anamsan mənim

Ey mehriban vətənim

Nə qədər ki canım var

Iliyim var, qanım var

Sevəcəyəm səni mən

Lap ürəkdən ey vətən

Doğma anamsan mənim

Ey mehriban vətənim.

Eldar Muğanlı

+++++++++

::::Əl-ələ

Ay uşaqlar əl-ələ

Əl-ələ verin gedək arzugilə

Arzugil bizdən küsüplər, bilirik

Bu zaman biz əl-ələ verməliyik

Onları qaytarmağa getməliyik

Qocalar dillənsələr baş verməyin

Gecənin qıfılların açın gəlin

Bir gecə ay çıxanda biz çıxarıq

Sel-təkin bölgəli dağdan axarıq

Düşmanın evciyinə od yaxarıq

Ay uşaqlar əl-ələ

Əl-ələ verin gedək arzugilə

Alirza Nabdil

+++++++++

::::Payız

Buz göydən boylanır

Solğun günəş sap-sarı

Qəmli-qəmli köçürlər

Durnaların qatarı

Başa çatdı yay fəsli

Yenə açdı mədrəsə,

Kilaslarda uşaqlar

Yenə verdi səs-səsə.

Külək əsdi qopardı

Yarpaqları budaqdan,

Bir parçası narıncı

Bir parçası al-əlvan.

Nəfəsindən ağ yelin

Soldu çəmən, soldu gül,

Hicranından bülbülün

Yarpaqların yoldu gül.

Şehə çökübdür çəmən,

Duman bürüyüb dağı,

Tüstüləyir çobanın

Yaş tikanlı ocağı.

Karvan-karvan qap-qara

Göydə buludlara bax!

Budaqlardan sallanan

Qıp-qırmızı nara bax!

Mehr, aban, azərəm

Çən-duman nəfəsliyəm

Mən payızam, rənglərin,

Meyvələrin fəsliyəm.

Həbib Fərçbaf

+++++++++

::::Uşaq və Buz

Dərsə gedən bir uşaq

Çıxdı buz üstə qoçaq

Sürüşdü birdən birə

Düşdü üz üstə yerə

Durdu uşaq neylədi?

Buza belə söylədi:

Sən nə yamansan ay buz

Adam yıxansan ay buz

Az qalıb ömrün sənin

Yaz gələr artar qəmin

Əriyib suya dönərsən

Axıb çaya gedərsən

Əliəkbər Sabir

+++++++++

::::Ana və Bala

Oturmuş ana

Basmış bağrına

Nazlı körpəsin

Lay-la deyir ona.

Uşaq yatmayır

Baxır, ağlayır

Anası onu

Bu cür oxşayır:

Dağda darılar

Sünbülü sarılar

Qoca qarılar

Bu balama qurban.

Dağda tağanlar

Bir-birin boğanlar

Oğlan doğanlar

Bu balama qurban.

Bir bolük atlar

Atlar göy atlar

Ərsiz arvadlar

Bu balama qurban.

Dağın maralı

Gözü qaralı

Dünyanın malı

Bu balama qurban.

Abbas Səhhət

+++++++++

::::Serçə

Quşlar içindən bir quş

Bizim divara qonmuş

Hobbana - hobbana

Gəldi qonu eyvana

Çöhrədə tel əyirdi

Telləri tez səridi

Cik-cik, cik-cik oxudu

Ipək pərdə toxudu

Ipək pərdə mil-mili

Serçənin şirin dili

Serçə serçə nə serçə

Yayı, qışı bu evdə

Serçə serçə nə serçə

Gah şəritdə gah yerdə

Cik-cik, cik-cik, cik-cik-cik

Serçə oxur cik-cik-cik

Məhəmməd

Abedinpur

+++++++++